Caibidil 4 I Iompar agus Soghluaiseacht
4.60 Tar éis anailís mhionsonraithe a dhéanamh ar an éileamh taistil réamh-mheasta laistigh den MUC, chinn SIMC gurb é an bealach is fearr chun freastal ar an gConair Idirthurais Thoir-Thiar trí chóras tram nua Iarnróid Éadrom Idirthurais (IÉI) a sholáthar. 4.61 Is ionann an anailís seo agus athrú suntasach ar straitéisí roimhe seo a rinne soláthar do chóras Iompar Bus Gasta (IBG) a bhfuil toilleadh níos ísle aige. 4.62 Táthar ag súil go mbeidh thart ar 25 stáisiún ag teastáil chun freastal ar an mbealach idir Baile an Chollaigh agus Rinn Mhachain, ag soláthar am turais iomlán measta de 47 nóiméad. Freastalóidh na stáisiúin seo ar dhobharcheantar na bpríomhlimistéar forbartha tadhlach atá ann agus atá beartaithe feadh na conaire agus soláthróidh siad acomhal le seirbhísí iarnróid IdirChathrach agus fo-uirbeacha ag Stáisiún an Cheanntaigh mar aon leis an tseirbhís BusConnects atá beartaithe. 4.63 Chun spriocanna fáis níos uaillmhianaí an CNP a léiriú agus an riachtanas chun bealach den sórt sin a chosaint don todhchaí suas go dtí an bhliain ionchas 2040 agus níos faide anonn, beidh seirbhís bus ardmhinicíochta idir Machain agus Baile an Chollaigh roimh an IÉI. Déanfar é seo a sheachadadh sa ghearrthéarma chun tacú le dlúis forbartha níos airde feadh na conaire lena n-áirítear athnuachan na nDugthailte. Beidh soláthar an chórais IÉI mar phointe fócasach chun fás daonra, sláinte fostaíochta agus úsáidí oideachais a chumasú mar a shamhlaítear ag CNP 2040 agus beidh sé mar bhonn taca ag fás dlúth.
Sula ndéanfar an IÉI a fhorbairt, agus chun an comhdhlúthú forbartha a cheadú chun tacú lena sheachadadh, déanfar freastal ar an mbealach roghnaithe le seirbhís bus ardmhinicíochta le bearta tosaíochta bus chun ardleibhéal feidhmíochta a chumasú roimh a aistriú go h-iarnród éadrom. Táthar ag súil go gcinnfear trí phróiseas athdhearadh líonra BusConnects an bealach ina ndéantar seirbhísí a chumrú sa cheantar a fhreagraíonn do chonair an IÉI, laistigh de thréimhse an Phlean Forbartha agus ina dhiaidh. 4.64 Is eochair- chumasóir é an córas IÉI d’fhorbairt na Cathrach mar go ndéanfaidh sé: • Réimsí forbartha straitéiseacha a dhíghlasáil ina dhobharcheantar lena n-áirítear: Dugaí Chathair Chorcaí, An Curraichín, Baile an Chollaigh agus Machain; • Cumas forbartha na láithreán amhantair a uasmhéadú; • Cinnteacht níos fearr a sholáthar maidir le pleanáil agus forbairt amach anseo, chun dul sa tóir ar dlúis níos airde a theastaíonn chun spriocanna daonra agus fostaíochta an CNP do Chathair Chorcaí a bhaint amach. • Tacú leis an leathnú atá beartaithe ar Choláiste na hOllscoile, Corcaigh (COC), Ollscoil Teicneolaíochta na Mumhan (OTM) agus Ospidéal Ollscoile Chorcaí (OOC); • Forbairt saor ó charr agus ísealcharr a chumasú laistigh dá dhobharcheantar de réir na n-athruithe a rinneadh le déanaí ar bheartas an rialtais atá leagtha amach i dtreoirlínte an CNP agus Árasán Inbhuanaithe; • Brath ar an N40 go háirithe a laghdú, le haghaidh turais ghearra laistigh den Mórcheantar Uirbeach.
123
Dréachtphlean Forbartha Chathair Chorcaí 2022 - 2028 | Imleabhar 1
Powered by FlippingBook