Caibidil 5 I Athrú Aeráide agus an Comhshaol
Réamhrá
5.3 Is téama crosghearrtha é an Aeráid agus an Comhshaol a théann thar gach caibidil go léir den Phlean Forbartha seo. Féachann an Plean Forbartha le dlúthfhás a chinntiú agus, sa phróiseas, pobail agus comharsanachtaí níos inbhuanaithe, níos inchónaithe, níos comhtháite a sheachadadh. Cabhróidh an bunphrionsabal seo le maolú aeráide a thabhairt chun críche tríd an ngá atá le taisteal a laghdú agus tacú le roghanna iompair níos inbhuanaithe, deiseanna forbartha athfhorbraíochta a uasmhéadú agus infheistíocht mhéadaithe i mbonneagar glas agus gorm a chumasú, feabhsú bithéagsúlachta, áiseanna pobail agus áineasa, cosaint tuilte agus fuinneamh carbóin in-athnuaite/íseal.
5.1 Tá an t-athrú aeráide, an t-ardú ar an meánteocht dhomhanda agus na himeachtaí aimsire foircneacha a bhaineann leis mar gheall ar leibhéil mhéadaithe de gháis cheaptha teasa in atmaisféar an phláinéid, ar cheann de na dúshláin is mó atá roimh an tsochaí. Tá a tionchair ar ár dtimpeallacht, ar ár sochaí agus ar ár ngeilleagar ag éirí níos minicí agus níos déine bliain i ndiaidh bliana. Ar an drochuair, tá aeráid na hÉireann ag athrú de réir treochtaí idirnáisiúnta agus meastar go leanfaidh sé seo agus go dtiocfaidh sé níos déine sa todhchaí. Táimid ag crosbhóthar anois ina bhfuil gá le gníomhaíocht aeráide réamhghníomhach ar fud na n-earnálacha go léir chun an ráta a laghdú agus tionchar an athraithe aeráide a íoslaghdú . 5.2 Tá taithí phearsanta ag Cathair Chorcaí ar thionchair athrú aeráide le tuilte, titim sneachta, tonnta teasa agus stoirmeacha ag dul i bhfeidhm ar ár bpobail, gnólachtaí, bithéagsúlacht, bonneagar agus líonra iompair níos rialta le deich mbliana anuas. Ní mór dúinn ár lorg carbóin a laghdú agus bearta a chur i bhfeidhm chun Corcaigh a dhéanamh níos athléimní ó thaobh aeráide de.
146 Plean Forbartha Chathair Chorcaí 2022-2028 | Imleabhar 1
Powered by FlippingBook