Oideachas
10.256 Tá áiseanna oideachais dírithe den chuid is mó ar an taobh thoir, theas agus thiar de lár an bhaile gar do cheantair chónaithe seanbhunaithe. Tá trí bhunscoil ag freastal ar an mBlarna faoi láthair. Tá meánscoil Scoil Mhuire Gan Smál ann freisin. De réir mar a thagann forbairt nua ar an bhfód beidh gá tosaíocht a thabhairt do sholáthar áiseanna breise oideachais sa cheantar seo. Oibreoidh Comhairle Cathrach Chorcaí leis an Roinn Oideachais chun suíomhanna scoile nua a aithint agus a sheachadadh don Bhlarna .
Caitheamh Aimsire Gníomhach agus Éighníomhach
10.257 Breathnaítear ar an mBlarna go forleathan mar cheann de na bailte is suntasaí in Éirinn. Ceann de phríomhghnéithe lár an bhaile is ea cearnóg an tsráidbhaile atá dea-chaomhnaithe ag Eastát Chaisleán na Blarnan. Tá an caisleán, a tógadh beagnach 600 bliain ó shin, suite i mbreis is míle acra de choillearnach agus tá sé ar cheann de na nithe is díol spéise do thurasóirí sa tír . 10.258 Cuireann forbairt na Blarnan sa todhchaí deiseanna ar fáil chun straitéis spáis oscailte chomhtháite a fhorbairt a fhéadfaidh roinnt feidhmeanna a chomhlíonadh lena n-áirítear limistéir thaitneamhachta éighníomhacha agus ghníomhaigh, conairí fiadhúlra agus scagairí carbóin chun tionchair na forbartha méadaithe agus an tráchta a fhritháireamh. 10.259 Léiríonn an soláthar teoranta spásanna oscailte gníomhacha agus éighníomhacha sa bhaile go bhfuil gá soiléir le straitéis spáis oscailte chomhtháite a fhorbairt don Bhlarna. Is féidir leis seo roinnt feidhmeanna a chomhlíonadh lena n-áirítear limistéir éighníomhacha agus taitneamhachta gníomhacha, conairí fiadhúlra agus scagairí carbóin chun tionchair na forbartha le déanaí agus an trácht laistigh den bhaile a fhritháireamh. 10.260 Is ceantar é Eanach Chloich Mhuilinn, ar a dtugtar Portach na Blarnan freisin, a bhfuil tábhacht áitiúil bithéagsúlachta ag baint leis laistigh de limistéar an Phlean agus beidh a fheabhsú ina chomhpháirt ríthábhachtach d’fhorbairt gréasán spáis oscailte comhtháite agus cruthú bealaí siúil tarraingteach do chónaitheoirí agus do chuairteoirí araon. Blarnan araon.
403
Powered by FlippingBook