14. Páirceanna Réigiúnacha an Oirthuaiscirt agus an Iarthuaiscirt
Páirc Réigiúnach an Oirthuaiscirt
Páirc Réigiúnach an Iarthuaiscirt
10.331 Tá sé mar uaillmhian ag Comhairle Cathrach Chorcaí Páirc Réigiúnach a chruthú i gceantar an Oirthuaiscirt, go príomha chun freastal ar riachtanais áitritheoirí agus cuairteoirí Gort na Maighdine, Baile Uí Mhaoláin agus Gleann Maghair. Is talamh talmhaíochta é an limistéar seo faoi láthair le cnoic rollta agus bheadh rochtain air go príomha trí Sheanbhóthar Eochaill. Ag brath ar an suíomh deiridh, ba cheart aon radharc lánléargais ar an gcathair agus ar Loch Machan a uasmhéadú sa dearadh foriomlán. Bainfear é sin amach i gcomhar le geallsealbhóirí. Beidh naisc rochtana go Gort na Trá, Baile Uí Mhaoláin, An Lot Beag, Tivoli agus Gleann Maghair ina gcuid lárnach d'éifeachtúlacht na páirce féideartha seo, agus tabharfar tosaíocht do naisc taistil inbhuanaithe agus ghníomhaigh. Beidh bearta mar chomhlánú ar shócmhainní oidhreachta nádúrtha atá ar an láthair cheana féin agus chun na tairbhí don bhithéagsúlacht a uasmhéadú mar chuid den mholadh iomlán. Is sprioc meántéarmach agus fadtéarmach é seo agus beidh Creatphlean ag teastáil. Breathnóidh plean dá leithéid ar mheascán úsáidí chun faireachas nádúrtha éifeachtach a chinntiú ar an bpáirc réigiúnach chun a chinntiú go mbeidh an pháirc sábháilte, cairdiúil agus fáilteach do chuairteoirí.
10.332 Éilíonn Cuspóir Polasaí 17 MASP Chorcaí go gcruthófar Páirc Réigiúnach an Iarthuaiscirt. Tá suíomh na páirce seo ar imeall na coda tógtha den Chathair in aice leis an áis Apple atá ann cheana féin. Ó thuaidh is féidir teacht ar an suíomh ó Bhóithrín Nash, bealach siúlóide a bhfuil an-tóir air. Chomh maith leis sin cheadódh suíomh páirce sa láthair seo naisc do choisithe agus féarbhealaí nó cosáin chuig an gCúlchríoch amach anseo. Chuideodh an pháirc bheartaithe seo le bonneagar glas inbhuanaithe agus sraith idirnasctha de spásanna glasa a chruthú lena n-áirítear páirceanna, spásanna glasa nádúrtha agus éiceachórais, féarbhealaí agus gormbhealaí. 10.333 Tugann an chuid lárnach den suíomh radhairc lánléargais sa chuid is mó de threoracha. Téann taobh thuaidh limistéar an láithreáin síos go mór i dtreo Bhóithrín na Naise agus níos faide i dtreo sruthán beag atá ina craobh-abhainn den Bhríde níos faide soir. Éilíonn MASP Chorcaí go n-éascódh údaráis áitiúla cur i bhfeidhm tionscnamh spáis oscailte a sholáthraíonn tairbhí tábhachtacha eacnamaíocha, fóillíochta agus turasóireachta, sláinte, taistil ghníomhacha agus inbhuanaithe agus comhshaoil don cheantar uirbeach. Bheadh an moladh seo ag teacht leis an riachtanas seo agus sholáthródh sé spás oscailte poiblí luachmhar agus taitneamhacht nádúrtha do cheathrú thiar thuaidh na Cathrach.
15. Limistéar Athghiniúna an Iarthuaiscirt
10.334 Tá ceantar an Iarthuaiscirt mar chuid de mhórthionscnamh athnuachana le blianta beaga anuas. Tá sé mar phríomhaidhm ag Comhairle Cathrach Chorcaí leanúint leis an obair seo agus tacú le feabhsúcháin chomharsanachta don cheantar. Leis an gcatalaíoch athghiniúna cuirfear 600 teach nua in áit
Beidh seirbhísí agus áiseanna pobail sa chomharsanacht seo lena n-áirítear spás oscailte poiblí, seirbhísí iompair feabhsaithe agus fearann poiblí ardchaighdeáin.
400 teach agus athrófar suíomh 16 Ha ina chomharsanacht chónaithe nua dá bharr.
433
Powered by FlippingBook