[ Corcaigh á Stiúradh go mBainfidh sí Stádas
Bhí na torthaí seo a leanas i measc na dtorthaí eile ar ghníomhaíocht AE na bliana seo: • Roghnú mar chuid den 100 Cathair Aeráid-Neodrach & Chliste agus ina dhiaidh sin rannpháirtíocht fhairsing sa tionscadal Net Zero Cities chun tuiscint a fháil ar an mbealach is fearr chun socruithe áitiúla a struchtúrú. Bhí sé seo ar siúl ag an am céanna le rannpháirtíocht san Fhóram Eacnamaíoch Domhanda/Accenture Net Zero Carbon Cities , tionscnamh chun gníomhartha comhoibritheacha oiriúnacha a shonrú i measc eagraíochtaí geallsealbhóirí atá lonnaithe i gCorcaigh. • Daingníodh an Chairt Misean um Aigéin agus Uiscí a Athshlánú : Is í Corcaigh an chéad sínitheoir ar Cathair Atlantach í agus tá Plean Gnímh 10 bpointe curtha le chéile acu. • Shínigh an Coiste um Ghníomhú ar son na hAeráide Dearbhú Donostia/San Sebastian (de bhun líonra na gCathracha Atlantacha) maidir le gníomhú ar son na haeráide. • Ceadaíodh (SED agus Oibríochtaí) an tionscadal Bonneagar Nialasach Carbóin (Interreg na hEorpa) um bhacainní logánta ar phleanáil agus feidhmiú an bhonneagair luchtaithe Feithiclí Leictreacha. • Ceadaíodh (Cothabháil Tithíochta) FEEL, tionscadal (Interreg na hEorpa) um ghníomhaíochtaí chun tithíocht níos sine a athchóiriú, tithe a dhéanamh níos tíosaí ar fhuinneamh de bhun comhar pobail agus ísealteicneolaíocht a úsáid. • Ceadaíodh (Fóram Soghluaisteachta Iompair mar chomhpháirtí tionscadail le tacaíocht Pobal, Cultúir & Cruthú Áite) EMRACER, tionscadal (Interreg Europe) um dhlús a chur le haistriú modha i dtreo na soghluaisteachta inbhuanaithe ach dearcadh i leith iompair phoiblí agus taistil ghníomhaigh agus a ghlacadh a úsáid. Plean Forbartha Chathair Chorcaí 2022-2028 Glacadh le Plean Forbartha Chathair Chorcaí 2022-2028 le rún na Comhairle an 10 Meitheamh 2022 agus tháinig sé i bhfeidhm an 8 Lúnasa 2022. Den chéad uair riamh, cuimsítear i bPlean Forbartha Chathair Chorcaí bailte Bhaile an Chollaigh, na Blarnan, Thúir agus Ghleann Maghair agus a gceantair máguaird. Agus daonra os cionn 210,000 aici, is cathair ar scála idirnáisiúnta atá ag teacht chun cinn í Corcaigh agus cuireann sí dlús náisiúnta faoi fhás geilleagrach agus uirbeach. Ainmníonn Tionscadal Éireann 2040 an chathair le haghaidh fáis bhreise shuntasaigh sna 20 bliain atá romhainn, le tacaíocht ó infheistíocht mhórscála. Leagann an Plean amach mar a fhásfaidh agus a fhorbróidh an chathair sna sé bliana atá romhainn i gcomhthéacs fís 2040 níos faide. Cé gur tháinig an Plean i bhfeidhm ón 8 Lúnasa 2022, ba é buaic an phróisis gur eisíodh Treoir ón Aire an 2 Nollaig 2022 maidir le líon beag láithreán. Turasóireacht Maolaíodh srianta covid go luath in 2022, agus cuireadh tús le taisteal go mall agus tháinig méadú ar leibhéal na gcuairteoirí isteach de réir mar a chuaigh an bhliain ar aghaidh. Cuairteoirí ó Mhór-roinn na hEorpa ba mhó a tháinigh ón iasacht, ach faoi R3 agus R4, bhí cuairteoirí ó Mheiriceá Thuaidh ag filleadh freisin, agus bhí leibhéil áitíochta óstáin ní b’airde ná mar a bhíothas ag súil leis. D’oibrigh Comhairle Cathrach Chorcaí go dlúth le Fáilte Éireann agus Visit Cork le linn 2022 agus leanann sí ag tacú agus ag cur acmhainní ar fáil d’obair Visit Cork chun Corcaigh a chur chun cinn mar cheann scríbe fóillíochta agus turasóireachta gnó. Cé go raibh sé ní b’ísle ar dtús ná mar a bhí in 2019 (an bhliain dheireanach réamh-Covid), tháinig méadú seasta ar líon na gcuairteoirí chuig Dún Eilíse le linn 2022, agus i mí Iúil amháin thug breis agus 10,000 duine cuairt ar an Dún, rud a sháraigh líon mhí Iúil 2019. Dúnadh an Dún an 26 Meán Fómhair le haghaidh oibreacha, agus faoin tráth sin bhí breis is 50,000 duine tar éis cuairt a thabhairt ann. D’fhan Dún Eilíse dúnta go dtí tosach 2023 chun clár oibreacha feabhsúcháin a dhéanamh. Chomhoibrigh an Rannóg Turasóireachta agus an Oifig Ealaíon in 2022 ar thionscadal nua a mhaoinigh Fáilte Éireann faoina scéim Beochana Uirbí. “sland City – Cork’s Urban Sculpture Trail” a thugtar ar an tionscadal a thacóidh 5 shaothar ealaíne poiblí dealbhóireachta a fhorbairt ar chonair ar fud oileán na cathrach.
| 66
Powered by FlippingBook