Caibidil 7 I Geilleagar agus Fostaíocht
agus go dtí 2031. Chuimsigh sé seo measúnú ar riachtanais post chun tacú leis an bhfás réamh-mheasta go dtí 2028; measúnú bonnlíne ar an soláthar oifige agus déantúsaíochta atá ann faoi láthair agus ar thalamh zónáilte fostaíochta; measúnú cáilíochtúil agus cainníochtúil ar riachtanais talún zónáilte sa todhchaí chun freastal ar riachtanais na n-earnálacha agus réamh-mheastacháin post; agus moltaí ar láithreacha fostaíochta straitéiseacha nua féideartha sa Chathair chun na riachtanais fáis seo a chomhlíonadh.
7.36 Soláthrófar deiseanna tráchtála do raon níos ilghnéithí de sheirbhísí gnó de bharr a bheith ina cathair scála. Cruthóidh sé freisin margadh le haghaidh barr feabhais leanúnach i dtáirgí agus i seirbhísí, cibé acu is iad seirbhísí miondíola áitiúla, fáilteachais, cultúir, seirbhísí tacaíochta gnó amhail cuntasaíocht, seirbhísí dlí, lóistíocht, seirbhísí airgeadais / baincéireachta, fiontair thuaithe, srl. Láithreacha Straitéiseacha Fostaíochta 7.37 Áirítear ar phríomhláithreacha fostaíochta Chathair Chorcaí mar a shainaithnítear sa MASP Lár Chathair Chorcaí, Cnoc an Chuilinn, Bóthar na Trá Móire, An Linn Dubh / Cill Barra, Coláiste na hOllscoile, Corcaigh, Ollscoil Theicneolaíochta na Mumhan, Aerfort Idirnáisiúnta Chorcaí, Bóthar na Modhfheirme / Purláin Theas, Ospidéal Ollscoile Chorcaí agus Páirc Eolaíochta agus Nuálaíochta Chorcaí. Chun eolas a thabhairt don Phlean Forbartha seo, rinne Comhairle Cathrach Chorcaí athbhreithniú ar láithreacha fostaíochta straitéiseacha a bhreithnigh siad na riachtanais amach anseo maidir le tailte fostaíochta agus réitigh maoine eile thar thréimhse an phlean mar atá leagtha amach thíos. 7.38 Coimisiúnaíodh Staidéar Straitéiseach ar Láthair Fostaíochta Chathair Chorcaí (2021) chun eolas a thabhairt don Phlean Forbartha maidir leis na riachtanais réadmhaoine le haghaidh fostaíochta oifige agus déantúsaíochta. Bhreithnigh sé seo an leibhéal talún zónáilte chun tacú le fás raon leathan earnálacha thar shaolré an phlean (2022 -2028) Staidéar ar Láithreacha Fostaíochta Straitéiseacha Chathair Chorcaí (SELS) 2021 Margaí a Fhorbairt agus Barr Feabhais i dTáirgí agus Seirbhísí Gnó
Sprioc Fáis Post
7.39 Mar atá leagtha amach san SELS, tá gá le talamh zónáilte chun an fás spriocdhírithe san fhostaíocht a bhaint amach a léiríonn uaillmhian fáis Chathair Chorcaí. Ina theannta sin, agus an chandam talún a theastaíonn le haghaidh úsáide fostaíochta á mheas tá sé tábhachtach riachtanais ghnólachtaí i gceantair atá curtha in áirithe le haghaidh Athghiniúna a mheas m.sh. Ceantar na nDugaí Chathair Chorcaí agus Bóthar na Trá Móire. Tá gá ann freisin a chinntiú gur féidir le Cathair Chorcaí dul san iomaíocht le haghaidh infheistíochta soghluaiste idirnáisiúnta agus deiseanna a sholáthar do ghnólachtaí atá ann cheana féin chun athlonnú go áitribh níos mó agus iad ag leanúint ar aghaidh ag feidhmiú ina suíomh reatha fad is atá an t-áitreabh nua á thógáil/athchóiriú. Teastaíonn straitéis sholúbtha talún fostaíochta chuige seo. Cuireann nádúr dinimiciúil seo na forbartha geilleagraí béim ar an ngá atá le pleanáil chun cinn chun láithreáin fostaíochta straitéiseacha seirbhísithe a sheachadadh. Chun críche zónáil na talún fostaíochta i gCathair Chorcaí a chur ar an eolas, tá sprioc fostaíochta sa thar ar 31,000 post thar an tréimhse go dtí 2028 mar bhonn eolais don Phlean Forbartha.
234 Plean Forbartha Chathair Chorcaí 2022-2028 I Imleabhar 1
Powered by FlippingBook